Ru
14:57 / 15 İyun 2022

"Özüm də Gürcüstana səfər etmək istəyirəm" - Deputat quru sərhədlərin açılmasından danışdı

1686
“Pandemiya səbəbindən iki ildən artıq insanların karantin rejimində yaşaması onların istirahət üçün xarici ölkələrə getməsinə imkan vermədi. Xaricdə oxuyan tələbələrimiz, xarici ölkələrə öz problemləri, sağlamlıqları üçün getməyə məcbur olan insanlar da az deyil. Artıq bir neçə müddətdir respublikamızda pandemiya ilə bağlı qadağaların çoxu götürülüb. Qonşu ölkələrlə quru sərhədlərimiz də açılmalıdır. Bəzi ölkələrdə bu qərar artıq verilib. Yaydır, elə insanlar var, istirahətə getmək istəyir. Qohumu-əqrəbası Gürcüstünda olanlar, öz şəxsi avtomobili ilə səfər etmək istəyən ailələr var. Artıq dünyanın hər yerində bu məsələ öz həllini tapıb, Azərbaycanda da həll edilməlidir”.


Bakupost.az xəbər verir ki, bu sözləri Pravda.az-a açıqlamasında Milli Məclisin deputatı Cavanşir Paşazadə deyib.


O bildirib ki, məsələ təkcə vətəndaşların xarici ölkələrə getmək istəməsində deyil: “Hamı bilir ki, quru yolla qonşu ölkələrdən Azərbaycana gələn turistlər var. Bunun ölkəmizin büdcəsinə, iqtisadiyyatına təsirini də nəzərə almaq lazımdır. Quru sərhədlərin hələ də açılmamasında bir sıra səbəblər ola bilər. Ümumdünya Səhiyyə Təşkilatı yeni xəstəliklərin yayılması ilə bağlı məlumat verir. Ukraynada gedən müharibə, bunun təsirləri... Bəlkə də təhlükəsizlik məsələləri nəzərə alınır. Hava yollarında quruya nisbətən nəzarət hardasa daha yaxşı olur. Səbəbin tam dəqiqliyi ilə bu olduğunu deyə bilmərəm. Ola bilsin, müəyyən məsələləri nəzərə alıb, quru sərhədləri hələ açmırlar. Özüm də Gürcüstana səfər etmək istəyirəm. Düşünürəm, iyulun əvvəlində artıq bu məsələ həllini tapacaq”.
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin
Şərhlər
Son xəbərlər
Çox oxunanlar
Son xəbərlər