Qətər əmiri Şeyx Təmim bin Hamed Al Sani Doha Sərgi və Konqres Mərkəzində qurulan FİFA Əməliyyat Mərkəzi və 2022-ci il Dünya Çempionatı Mərkəzini ziyarət edib.
Bakupost.az xəbər verir ki, o, çempionatın təşkili və koordinasiyasında ən yüksək beynəlxalq standartlara nail olmaq üçün görülən işlərlə tanış olub. FİFA prezidenti Canni İnfantino gəzinti zamanı Qətər əmirini müşaiyət edib.
Qeyd edək ki, Qətərin ev sahibliyi edəcəyi futbol üzrə dünya çempionatı noyabrın 20-də başlayacaq. Qətər Yaxın Şərqdə dünya çempionatına ev sahibliyi edən ilk ərəb ölkəsi olacaq.
Aynur
BakuPost