Ramazanın ilk 10 günündə 9 milyondan çox müsəlman Kəbədə namaz qılıb

Bakupost.az xəbər verir ki, bu il milyonlarla insan Səudiyyə Ərəbistanının Məkkə şəhərindəki Məscidül-Həramda yerləşən Kəbəni ziyarət edib.

Xüsusilə Ramazan ayında son illərin ən sıx günləri yaşanıb.

Müqəddəs məkanın həyətində addım atmağa yer qalmayıb.

Rəsmi açıqlamada qeyd olunub ki, 9 milyon 357 min 853 müsəlman Ramazan ayının ilk 10 günündə Məscidül-Həramda ümrə edib, namaz qılıb.

10,3 milyon müsəlmanın Məscid-i Nəbəvini ziyarət etdiyi və namaz qıldığı bildirilib.

Qeyd edək ki, Səudiyyə Ərəbistanının Həcc və Ümrə Nazirliyi martın 26-da verdiyi açıqlamada “daha çox insanın ibadət etməsinə imkan yaratmaq üçün” hər kəsin Ramazan ayında yalnız bir dəfə ümrə edə biləcəyini açıqlayıb.