Rusiyada məhkəmə sosial media platformalarından biri olan Telegram-ı 3 milyon rubl (təxminən 34 min dollar) məbləğində cərimələyib.
Bakupost.az xəbər verir ki, Rusiya Federal İnformasiya Texnologiyaları və Kütləvi Rabitə Nəzarəti Agentliyinin (Roskomnadzor) Telegram-a qarşı qaldırdığı iddialara paytaxt Moskvanın Taqanski Məhkəməsində baxılıb.
Məhkəmə Rusiyada hökumət əleyhinə məzmuna Telegram vasitəsilə daxil olmaq mümkün olduğu üçün şirkətin qanunvericiliyə əməl etmədiyinə qərar verib və platformanı 3 milyon rubl cərimələyib.
Bundan əvvəl ölkədə oxşar pozuntulara görə Telegram-da müxtəlif cərimələr tətbiq edilmişdi.
X, Facebook və Instagram kimi platformalara çıxışın olmadığı Rusiyada Telegram ölkədə ən populyar sosial media və mesajlaşma proqramları sırasındadır.
Aygün
BakuPost