Ru
22:17 / 28 İyul 2022

Xırda reketlərə qarşı yekə reketlər – Dayandırın, effekt vermir bu!

10351

Azər Ayxan
Əməkdar jurnalist


İnformasiya təxribatının qarşısını Baş Prokurorluq ala bilməz. Buna savadlı, ağıllı başlar lazım. İnformasiya işinə müstəntiqlər deyil, mütəxəssislər qarışmalıdır.


Dövlətin informasiya təhlükəsizliyi ilə bağlı konsepsiyası, proqramı, işlək mexanizmləri olmalıdır. Bunun üçün tələb olunan şərtlərə əməl edilməlidir. Daxildən və xaricdən ölkəmizin informasiya mühitini çirkləndirən, ictimai rəyi manipulyasiya edən media subyektlərinə qarşı peşəkar və tirajlı platformalar yaradılmalıdır.


Reputasiyası zədəli, sevilməyən, ictimai rəydə qıcıq yaradan adamlarla dövlətin informasiya sərhədlərini qorumaq mümkün deyil. Yürümür, yerimir bu siyasət. Əl çəkin. Dəyişin. Dəyişdirin. Əks effekt verir bu. Adamların deyil, informasiyanın idarə olunmasına diqqət etmək lazımdır. Amma peşəkar şəkildə, hiss edilmədən. Qərb texnologiyalarını tətbiq etməklə. Şəxslər deyil, sistem önəmlidir. Oliqarxlaşmış, avtoritetləşmiş media rəhbərləri ilə bu işləri görmək mümkün deyil! Meydan tv-nin, “Azadlıq Radiosu”nun Azərbaycan bölmələrinin rəhbərlərini tanıyan var? Yox! Amma baxın, görün necə işləyirlər. Peşakarlıqları hansı səviyyədədir. Hakimiyyətin milyonlarla manat pul ayırdığı media təsisatının fəaliyyətini bir-iki reportajları ilə darmadağın edirlər.


Sözün, informasiyanın avtoritetini qaldırmaq lazımdır, hansısa sayt, tv, qəzet rəhbərinin deyil. Sözün, informasiyanın çəkisini qaldırmaq lazımdır, onu inandırıcı, oxunaqlı, baxımlı etmək lazımdır, hansısa media rəhbərinin aylığını qaldırsan nə olacaq, nə dəyişəcək?


Yaşlanmış, beynini kif basmış, danışığını itirmiş şəxslərlə də informasiya təhlükəsizliyi təşkil etmək mümkün deyil. Raket əleyhinə müdafiə sistemləri olduğu kimi, reket jurnalistika əleyhinə də oxşar sistem yaradılmalıdır. Bir sözlə, dövlət media siyasətini söküb, yenidən yığmalıdır. Xırda reketlərə qarşı yekə reketləri səhnəyə çıxarmayın, əksinə, onları səhnədən yığışdırın. Effektini görəcəksiniz.


Xaricdən gələn dezinformasiya potokunu da eyni prinsip və sistemlə zərərsizləşdirmək mümkündür. Peşəkarlığı və peşəkarları önə çəkməklə. Reputasiyası təmiz mütəxəsislərin önünü açmaqla.

Şərhlər
  • t.ədalət

    Ən böyük reket hakimiyyət özüdür.Deyilənə görə, işdən çıxarılan məmurlar həbs cəzası ilə qorxudulur və onlardan böyük miqdarda (milyardlarla!) pul alınır. Qorxutma yolu ilə alınan milyardların yanında on manat dilənən üzdəniraq yazarlar kimdir ki?Gəlin,özümüzü Saltıkov-Şedrinin əsərlərindəki yaramazların yerinə qoymayaq!

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər