22:30 / 03 Avqust 2022

Xırdalanda partlayış: yaralılar var - FOTO/VİDEO - YENİLƏNİB

7793

Fövqəladə Hallar Nazirliyi Xırdalanda baş verən partlayışla bağlı məlumat yayıb.

Nazirlikdən Bakupost.az -a verilən xəbərə görə, qurumun "112" qaynar telefon xəttinə Abşeron rayonu, Xırdalan şəhərində yerləşən beşmərtəbəli yaşayış binasının üçüncü mərtəbəsində partlayış baş verməsi barədə məlumat daxil olub.

Hazırda FHN-in Dövlət Yanğından Mühafizə Xidməti və Xüsusi Riskli Mühafizə Xidmətinin əməkdaşları hadisə yerinə cəlb olunub.

Əlavə məlumat veriləcək.

***

22:20

Xırdalandakı partlayış Heydər Əliyev parkı ilə üzbəüz binada baş verib.

Bakupost.az -a daxil olan məlumata görə, partlayış nəticəsində beşmərtəbəli binanın üçüncü mərtəbəsi dağılıb.

Hadisə zamanı 2 nəfər yaralanıb.

***

22:08

Xırdalanda yaşayış binasında partlayış olub.

Bakupost.az xəbər verir ki, bu barədə məlumat sosial şəbəkələrdə yayılıb.

Məlumata görə, hadisə şəhərin mərkəzində qeydə alınıb. Partlayışa qaz sızmasının səbəb olduğu ehtimal edilir.