Azər Axşam: "Deyirlər, ora sənin yerin deyil, sanki pozğunxanaya getmişəm"

Bakupost.az xəbər verir ki, bu sözləri aktyor, aparıcı Azər Axşam Qafqazinfo-ya müsahibəsi zamanı deyib:

"Sovet dönəmində dramaturqların yazdığı satirik-komediyalara öyrəşmişik. Amma bir məsələ də var, onu göstərənlər demir ki, biz sənət nümayiş etdiririk. Məsələn, "Komedixana". Onlar deyir ki, işdən gəlmisən, yorğunsan, otur, biz səni əyləndirək, nəyə istəsən, gülərsən. İnsanlar isə tənqid edir: "Aaa, aktyorluq, Siyavuş Aslan, Yaşar Nuri..."

Yox, hara getdiniz, axı onların belə iddiası yoxdur. "Qız atası" da həmçinin elə idi. Orada dərinlik axtaranlar var idi, dedim ki, axtarma, atam. Bunlar yüngül janrdır. Tənqid edin ki, daha gülməli səhnələr olsun. Biz ancaq bunu tələb edirik: "Ver yeyim, ört yatım, gözlə canım çıxmasın". Arada baxıram, gülürəm, yaxşı alınır, deyirəm ki, kaş digər səhnələr də belə olsun. Hərdən mənə deyirlər, ora sənin yerin deyil, sanki mən pozğunxanaya getmişəm, oradakı adamlar bəyəm aşağıdır? Söymür ki, sizi güldürür də".