Azərbaycanlı deputatdan erməniyə irad: “Şuşi yox, Şuşa”
Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü, deputat Kamal Cəfərov AŞPA-nın qış sessiyası zamanı Ermənistanın qurumdakı nümayəndə heyətinin üzvünü tarixə hörmətlə yanaşmağa və Şuşa şəhərinin adını düzgün tələffüs etməyə çağırıb.
"BakuPost" bildirir ki, bu barədə "Report" məlumat yayıb.
K.Cəfərov bildirib:
"Azərbaycan şəhərinin adı Şuşi yox, Şuşadır. Tarixə hörmətlə yanaşmaq lazımdır".
Azərbaycanlı deputat erməni deputatı müzakirələrə yerli-yersiz siyasi don geydirməməyi tövsiyə edib:
"Dağlıq Qarabağda əməliyyatlar başa çatıb və bu gün artıq qarşılıqlı inam yaratmağın vaxtı çatıb. Siz isə bunun əvəzinə AŞPA-dakı müzakirələrdən istifadə edərək hər bir məsələni siyasiləşdirməklə məşğulsunuz".
Bizi Telegram-da izləyin...