Bakıda çoxmərtəbəli binada yanğın - FOTO/VİDEO

  • 18 Fev 2020 14:02
  • 5884 Baxış
Bakıda çoxmərtəbəli binada yanğın -  FOTO/VİDEO


Bakıda çoxmərtəbəli binada yanğın olub.

Bu barədə Fövqəladə Hallar Nazirliyi məlumat yayıb.Məlumata görə, fevralın 18-də FHN-nin “112” qaynar telefon xəttinə Bakı şəhəri, Nəsimi rayonu, Cavadxan küçəsi, 48A ünvanında 17 mərtəbəli yaşayış binasının 7-ci mərtəbəsində mənzildə yanğın baş verməsi barədə məlumat daxil olub. Dərhal əraziyə FHN-in Dövlət Yanğından Mühafizə Xidmətinin müvafiq qüvvələri cəlb olunub.Yanğınsöndürənlərin operativ müdaxiləsi sayəsində yanğın qısa zamanda söndürülüb və geniş əraziyə yayılmasının qarşısı alınıb.


Yanğın nəticəsində ümumi sahəsi 130 kv.m. olan 3 otaqlı mənzilin 20 kv.m. sahəsi olan mətbəxi yanıb. Mənzilin qalan hissəsi və qonşu mənzillər yanğından mühafizə olunub.