"BakuBus"da oğurluq hadisəsi qeydə alınıb.
Bakupost.az -ın məlumatına görə, hadisə sentyabrın 21-i saat 17:50 radələrində Badamdar qəsəbəsi S.Məmmədov küçəsi 21-in qarşısında, “BakuBus”a məxsus “İveco” markalı 3 saylı xətt avtobusunda baş verib.
Bakı şəhər sakini 1987-ci il təvəllüdlü Ceyhun Hüseynli avtobusdan düşdükdən sonra cibindən içərisində 800 manat, bank kartları və şəxsiyyət vəsiqəsi olan pul kisəsinin oğurlandığını görüb.
Faktla bağlı Səbail RPİ-nin 41-ci Polis Bölməsində araşdırma aparılır.