Baş prokurorun diplomu saxta çıxdı - İstefa verəcək?
- 09 Okt 2019 11:50
- 1004 Baxış
Gürcüstanın baş prokuroru Şalva Tadumadzenin istefası istənilir.
BakuPost.az xarici KİV-ə istinadən xəbər verir ki, buna onun ali təhsil haqqında saxta diplomunun üzə çıxması səbəb olub.
Sənədə əsasən, Ş.Tadumadze 1994-cü ildə təsis olunan Tbilisi Humanitar İnstitutuna 1993-cü ildə qəbul olunub.
Baş prokuror Gürcüstanın Ali Məhkəməsinin hakimliyinə namizəddir. Hazırda parlamentdə onun iştirakı ilə dinləmə keçirilir.
Parlament müxalifəti Ş.Tadumadzeni namizədliyini geri götürməyə və baş prokuror vəzifəsindən istefa verməyə çağırıb.
Qeyd edək ki, Ş.Tadumadze 2018-ci ilin iyul ayından qonşu ölkənin baş prokurorudur.