17:26 / 27 Aprel 2021

Bu boksçu aldığı zərbədən öldü

1665

İordaniyalı boksçu Raşed əl-Svaisat Polşanın Kelts şəhərində gənclər arasında keçirilmiş dünya çempionatında aldığı zərbədən dünyasını dəyişib.

Bakupost.az -ın Beynəlxalq Həvəskar Boks Assosiasiyasının (AIBA) rəsmi saytına istinadən məlumatına görə, 19 yaşlı idmançı aprelin 16-da 81 kq çəki dərəcəsində estoniyalı Anton Vinoqradovla üçüncü raund qarşılaşmasında öldürücü zərbəyə məruz qalıb. Huşunu itirərək, yerə yıxılan əl-Svaisat xəstəxanaya çatdırılıb. Həkimlərin bir neçə gün davam edən səylərinə baxmayaraq, onun həyatını xilas etmək mümkün olmayıb.

Faciəvi hadisə ilə əlaqədar mərhumun əzizlərinə və komanda yoldaşlarına başsağlığı verib.

Qeyd edək ki, dünya çempionatında Azərbaycan yığması bir medalla kifayətlənib. Nicat Hüseynov 49 kq çəki dərəcəsində bürünc medala sahib olub.

Şərhlər

Seçilmiş Zəngimcell