Ərdoğan İranla bağlı xəbərdarlıq etdi

Bakupost.az Teleqraf-a istinadən xəbər verir ki, liderlər Türkiyə-İtaliya münasibətləri və regiondakı münaqişəli prosesin gedişi başda olmaqla, qlobal məsələləri müzakirə ediblər.

Prezident bildirib ki, Türkiyə İranda baş verən hadisələr və onların regiona təsirini yaxından izləyir və sabitliyi poza biləcək addımlardan çəkinilməsi üçün tərəflərə lazımi çağırışlar olunub.

Ərdoğan vurğulayıb ki, Türkiyə diplomatik mühitin gücləndirilməsinin tərəfdarıdır və beynəlxalq ictimaiyyət bunun üçün birlikdə çalışmalıdır. Onun sözlərinə görə, davam edən münaqişə qlobal təhlükəsizliyi də təhlükə altına sala biləcək risklər daşıyır.

Türkiyə Prezidenti həmçinin qeyd edib ki, region və dünyada baş verən münaqişələr NATO müttəfiqlərinin, xüsusilə müdafiə sənayesi sahəsində əməkdaşlığını artırmasının vacibliyini bir daha göstərir.