Hacı İlqar İbrahimoğlu sərbəst buraxıldı - YENİLƏNİB - VİDEO

Hacı İlqar sərbəst buraxılıb.

Bakupost.az xəbər verir ki, bu barədə o özü məlumat verib. Bildirib ki, şahid qismində ifadə verdikdən sonra sərbəst buraxılıb.

***

(19.10.2021, 20:42)

Dini Etiqad və Vicdan Azadlıqlarının Müdafiəsi Mərkəzinin rəhbəri Hacı İlqar İbrahimoğlu saxlanılıb.

Bakupost.az xəbər verir ki, ilahiyyatçı Azərbaycanın xüsusi xidmət orqanları tərfindən saxlanılıb.

O öz Facebook səhifəsindən canlı efirə çıxaraq, hüquq mühafizə orqanları nümayəndələrinin onun evinə gəldiyini və özünün evdə olmadığını bildirib: "Mən indi evimə gedirəm, hüquq müdafiəçilərindən, vəkillərdən xahiş edirəm, oraya gəlsinlər".

Daha sonra hüquq müdafiəçisi Rüfət Səfərov AzadlıqRadiosuna bildirib ki, ilahiyyatçının evində axtarış aparılıb, özü isə Dövlət Təhlükəsizliyi Xidməti tərəfindən saxlanılıb.

Güman edilir ki, onun İran xüsusi xidmət orqanları ilə əlaqələrinin olub-olmadığını araşdırlacaq.

E.Mirzəyev

Baku Post