Hüseyn onu pulsuz aparan taksi sürücüsünə maşın hədiyyə etdi - VİDEO

Bakupost.az xəbər verir ki, bu barədə o sosial media hesabında paylaşım edib.

Videodan görünür ki, əvvəlcə Hüseyn dostu ilə Moskvada küçədəki taksilərə yaxınlaşıb. O, pulqabısını götürmədiyini, təcili getməli olduğunu deyib.

Bəzi sürücülər bundan imtina etsə də, biri razılaşıb.

Söhbət əsnasında məlum olub ki, sürücü Qırğızıstandan gəlib, borcları var, qızı isə əməliyyat olunmalıdır.

Ünvana çatan Hüseyn avtomobil satılan yerə girərək ona yeni maşın alıb. O, sürücünün pasportunu götürüb və maşını onun adına keçirərək, açarları təqdim edib.

Sürücü çox sevinərək, göz yaşlarına hakim ola bilməyib.