“Maşın”ın finalçıları BƏLLİ OLDU

  • 15 Okt 2019 00:08
  • 2820 Baxış
“Maşın”ın finalçıları   BƏLLİ OLDU
Bu gün “Maşın” realiti-şousunun “Maskarad” buraxılışının sonuncu səsverməsi baş tutub.

BakuPost-un məlumatına görə, iştirakçılar aparıcı Kəmalə Piriyevanın şəklini ataraq onu SMS səsverməsinə çıxarıblar. Kəmalə hədəf olaraq həmkarı Lalə Mustafayevanı göstərib.

Oyun zamanı Ramal İsrafilov Kəmaləyə qalib gəldiyi təqdirdə Lalənin əvəzinə onu çıxarmasını xahiş edib.

Aparıcı sonda 47,79 faiz səs toplayaraq, oyunu tərk edib.

Qeyd edək ki, bununla da finala müğənni Ramal İsrafilov, aparıcı Suna Qasımoğlu və Lalə Mustafayeva çıxıb.