17 yaşadək qızlardan ibarət Azərbaycan yığma komandası UEFA İnkişaf turnirində ilk oyununu keçirib.
BakuPost.az xəbər verir ki, Maltanın Ta’Qali şəhərindəki Centenary stadionunda Cəbəllütariq yığması ilə qarşılaşan futbolçularımız 2:0 hesabı ilə qələbə qazanıb. Komandamızın qollarını Edanur Mutlu və Buşra Yabançı vurub.
Qeyd edək ki, Azərbaycan yığması turnir çərçivəsində növbəti oyununu fevralın 23-də, Bakı vaxtı ilə saat 13:30-da Şotlandiya yığmasına qarşı keçirəcək.