Mənsimov Baloğlan Əşrəfovdan yazdı: "Ata və anamın gəncliyi..." - FOTO

“Palmali” şirkətlər qrupunun prezidenti Mübariz Mənsimov dünən dünyasını dəyişən Əməkdar artist Baloğlan Əşrəfovla bağlı sosial şəbəkədə paylaşım edib.

Bakupost.az xəbər verir ki, iş adamı sənətçi ilə fotosunu paylaşaraq Əşrəfovun daim qəlblərdə yaşayacağını bildirib:

“Bu gün fani dünyanı tərk etdin. Allah sənə rəhmət eləsin, sədaqətli qardaşım. Azərbaycan incəsənətinə öz imzasını ata bilən sənətkarımız. Ata və anamın gəncliyi... O gözəl səsinlə ifa etdiyin mahnılar heç vaxt unudulmayacaq. Bu o deməkdir ki, sən ölmədin, hər zaman qəlbimizdə yaşayacaqsan. Rahat yat, əziz dost... Ruhun şad olsun...”.

Qeyd edək ki, M.Mənsimov 2007-ci ildə səhhətində ciddi problem yaranan B.Əşrəfovu müalicə üçün Türkiyəyə aparmış və orada müğənniyə qaraciyər köçürülmüşdü.