Orduya könüllü qatılmaq üçün necə qeydiyyatdan keçək? - VİDEO TƏLİMAT

  • 19 İyl 2020 14:36
  • 6726 Baxış




Orduya könüllü qatılmaq üçün qeydiyyatdan keçmək istəyən Azərbaycan vətəndaşları bəzən onlayn qeydiyyatda çətinlik çəkirlər.

Bunu nəzərə alan "BakuPost" oxucular üçün video təlimat hazırlayıb. Qeydiyyatdan keçmək üçün aşağıdakı addımları izləməlisiniz:


1. seferberlik.gov.az saytına daxil oluruq.

2. Saytın "Elektron xidmətlər" bölümündən "Həqiqi hərbi xidmətə (işə) qəbulla əlaqədar müraciət" bölümünü tıklayırıq.

3. Açılan səhifədə sağ üst tərəfdə "Könüllülərin qeydiyyatı" bölümünü tıklayırıq.

4. Yeni səhifədə "Şəxsiyyət vəsiqəsinin nömrəsi" hissəsinə vəsiqəmizin sadəcə nömrəsini,

5. FİN yəni, Fərdi İdentifikasiya Nömrəsi hissəsinə isə şəxsiyyət vəsiqəmizin üz qabığında ən altdakı hərflərdən və rəqəmlərdən ibarət sətirdəki son simvolu çıxmaqla, ondan əvvəlki 7 simvolu daxil edirik.

6. Daha sonra aşağıdakı "Mən robot deyiləm" yerini işarələyirik.

7. "Növbəti mərhələyə keç" düyməsini tıklayırıq.
8. Ana səhifəyə fotomuz və şəxsiyyətimizlə bağlı məlumatlar gəlir.
9. Məlumatların aşağısından hərbi qeydiyyatda olduğumuz rayonu və ya şəhəri seçirik.
10. Digər hissədə mobil telefon nömrəmizi,
11. Varsa, ev telefonu nömrəmizi
12. Ölkə xaricində yaşayırıqsa, həmin ölkədə işlətdiyimiz nömrəni qeyd edirik.
13. Rəsmi qeydiyyatda olduğumuz yerdən fərqli ünvanda yaşayırıqsa, aşağıdakı "Qeydiyyatda olduğum ünvandan fərqli ünvanda yaşayıram" hissəsinə işarə qoyuruq.
14. Ən sonda "Məlumatlarımı təsdiqləyirəm" düyməsini tıklayıb prosesi başa çatdırırıq.

Hansısa texniki problemlə qarşılaşarıqsa, bir neçə dəqiqə sonra prosesi təkrarlamaq lazımdır.


  • Quliyev rufet
    Kurdemir
  • Quliyev rufet
    Kurdemir
  • Tariyel Recebov
    Orduya gedmek
  • Sona İLQARLİ
    MƏNDƏ HƏRBİYƏ GƏTMƏK İSTYİRƏM
  • Sona İLQARLİ
    QADİN OLAR MƏNDƏ HƏRBİYƏ QATİLMAQ İSTƏYİRƏM

X