Polad Bülbüloğlu: "Hər il Şuşada Üzeyir Hacıbəyli Beynəlxalq Musiqi Festivalı keçiriləcək"

Bu fikirləri Bakupost.az -a açıqlamasında Azərbaycanın Rusiyadakı səfiri, Xalq artisti Polad Bülbüloğlu deyib.

Onun sözlərinə görə, hər il sənət adamları konsert çərçivəsində 18 sentyabrda Şuşaya səfər edəcək: "Mənim üçün bu gün Şuşada olmaq çox böyük qürur və fəxrdir. Mən əvvəl mədəniyyət naziri olanda biz hər il sentyabrın 18-ni "güllələnmiş heykəllər"in önünə gül qoyurduq. Xoşbəxtəm ki, indi Şuşada musiqi ənənəmizi davam etdiririk".