Qohumunu öldürdü, elektrik xəttinə toxunaraq intihar etdi - Bakıda dəhşətli qətl

Bakupost.az-ın məlumatına görə, hadisə paytaxtın Sabunçu rayonu Bilgəh qəsəbəsində qeydə alınıb.

Qəsəbə sakini, psixi xəstə, 1957-ci il təvəllüdlü Sərvər Rzayev damarlarını doğrayaraq küçəyə çıxıb, qohumu və qonşusu olan 1977-ci il təvəllüdlü Abbasov Zakir Akif oğlunu bıçaqla qətlə yetirib.

O, daha sonra evinin yaxınlıqdakı transformator kabinəsinə daxil olaraq yüksək gərginlikli elektrik xəttinə toxunaraq intihar edib.

Faktla bağlı Sabunçu rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.