15:36 / 17 Noyabr 2021

"Xəstə o qədər antibiotik içir ki, həkimlər çətin vəziyyətdə qalır"

592
“COVID-19 diaqnozu təsdiq olunmuş pasiyenti həkim müalicə etməlidir”.

Bakupost.az -ın məlumatına görə, bunu Səhiyyə Nazirliyinin mütəxəssis-eksperti Təyyar Eyvazov "COVID-19 " mövzusunda çıxışında deyib. O bildirib ki, burada təcrübə çox önəmlidir: “Xəstələrin əksəriyyəti evdə müalicə olunur. Bu xəstələrin çoxunda yuxarı tənəffüs orqanlarının zədələnmə halları var. Əksəriyyətində ağciyər zədələnməsi yoxdur. Bu halda simptomatik dərmanlar istifadə edirlər. Ağır dərmanlara ehtiyac yoxdur. Fəsadlaşmamış pnevmoniya olduğu halda belə ağır dərmana ehtiyac yoxdur. Antibiotiklərin istifadəsi xəstəliyə təsir etmir, əksinə, immuniteti zəiflədərək xəstəliyin kəskin dövrünə pis təsir edir. Bəzən xəstəxanaya çatdırılan xəstə əvvəl o qədər antibiotik içmiş olur ki, həkimlər çətin vəziyyətdə qalır. Antibiotiklərə xüsusi göstəriş olmalıdır. Oksigen dəstəyi tələb olunmayan şəxslərə hormonların verilməsi immun sistemini zəiflədərək xəstəliyi ağırlaşdırır. Bu, yalnız xəstəxanaya yatan xəstələr üçündür. Evdə müalicə zaman qan durulducuların istifadəsi də böyük qüsurlardan biridir. Həmin şəxslərdə kiçik xora varsa, bu, qanaxmaya yol aça bilər. Bütün hallara mütəxəssis qərar verməli, o da kifayət qədər səriştəli olmalıdır. Hər bir resept bir xəstəyə aid olur. Bu, digər xəstə üçün yararlı ola bilməz”.

Onun sözlərinə görə, pandemiya hələ davam edir:

“Hələ də vaksinasiya hədəflərinə çatmamışıq. Virus mutasiya edərək daha yoluxucu hala gəlib. Havanın soyuması, digər respirator virusların yayılması koronavirusa daha çox şərait yaradır. Bu halda daha çox diqqətli olmalıyıq. Hər bir vətəndaş öz məsuliyyətini dərk edərsə, biz infeksiyaya qalib gələ bilərik. Əks halda yenidən yoluxma halları arta və işimizə xələl gətirə bilər“.
Bizi telegram-da izləyin
Bizi facebook-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər