2 aylıq körpəsini öldürən ananın qan donduran ifadəsi: "Nəsə oldu..."

Bakupost.az Medicina.az-a istinadən xəbər verir ki, Bolunun Gerede rayonunda ana Serpil C. 2 aylıq körpəsini boğazından kəsərək öldürüb.

Hadisə 25 aprel şənbə günü baş verib. 2 aylıq Ela C. evdə boğazı kəsilmiş halda ölü tapılıb. Qətldə şübhəli bilinən ana Serpil C. Evdən çıxıb, kilometrlərlə getdikdən sonra polis qrupları tərəfindən tutularaq nəzarətə alınıb.

Polis bölməsində ilkin dindirmə zamanı şübhəli qadın ittihamları rədd edib:

"Mən körpəmi öldürməmişəm, onu kimin öldürdüyünü bilmirəm".

Daha sonra o, Gerede Rayon Məhkəməsinə köçürülüb. Serpil C. məhkəmə tərəfindən "dəhşətli niyyətlə qəsdən adam öldürmə" ittihamı ilə həbs edilib.

Qeyd edək ki, hadisədən dərhal sonra qətl şübhəlisi olan ana əri Səlahəddin C.-yə telefonla zəng etdiyi müəyyən edildi. Ananın ərinə "Körpəyə nəsə olub, evdən çıxıram" dediyi və sonra telefonu söndürdüyü öyrənildi. Bu sözlərdən panikaya düşən ata evə qaçdı və 2 aylıq qızı Elanın boğazı kəsilmiş cansız bədənini tapdı.

İddia olunur ki, mart ayının əvvəlində doğum edən Serpil C. hadisədən təxminən bir ay əvvəl rayon xəstəxanasında adi müayinə zamanı vəziyyətini müşahidə edən həkim tərəfindən psixiatriya şöbəsinə müraciət etməsi üçün xəbərdarlıq edilib. Bildirilir ki, ailə bu məsləhətə əməl edərək Boludakı özəl xəstəxanaya müraciət edib.

Göz yaşları içində dəfn edilən kiçik qızı Elanın dəfn mərasimində ayaq üstə durmaqda çətinlik çəkən kədərli ata Səlahəddin C. mərasimdən sonra xəstələnib. Əsəb pozğunluğu keçirdiyi bildirilən ata xəstəxanaya aparılıb və müalicə alır.