ABŞ-də 800-dən çox reys ləğv edildi - SƏBƏB

Bakupost.az xəbər verir ki, bu barədə ixtisaslaşmış “FlightAware” portalı məlumat yayıb.

Məlumata görə, hazırda Atlanta, Vaşinqton, Dallas, Nyu-York, Los-Anceles və Çikaqo kimi əsas hava qovşaqları da daxil olmaqla 817 reys ləğv edilib.

Bundan əvvəl təxminən 700 reysin ləğv edildiyi bildirilirdi.

Qeyd edək ki, noyabrın 7-də ABŞ hökumətin fəaliyyətini dayandırması ilə əlaqədar reyslərin sayını 4% azaldacağını elan edib. Noyabrın 11-də ləğv edilən reyslərin sayı 6%-ə, noyabrın 13-də 8%-ə, noyabrın 14-də isə 10%-ə çataraq gündə minlərlə reys təşkil edəcək.

Xatırladaq ki, ABŞ hökumətində “şatdaun” oktyabrın 1-də rəsmi olaraq qüvvəyə minib. Senat ardıcıl 14 cəhddə hökumətin qısamüddətli maliyyələşdirmə qanun layihəsini təsdiq edə bilməyib. Hazırda hökumətin fəaliyyətinin dayandırılması artıq 37 gündür ki davam edir.