17:58 / 20 Sentyabr 2022

Abdin Fərzəliyev vətəndaşlarla görüşdü - FOTO

1033

Abşeron Rayon İcra Hakimiyyətinin inzibati binasında, o cümlədən rayonun Novxanı kəndində və Aşağı Güzdək qəsəbəsində sakinlərlə keçirilən qəbullarda RİH başçısı Abdin Fərzəliyev, hüquq-mühafizə orqanlarının, xidmət təşkilatlarının rəhbərləri, şəhid ailələri, qazilər və kənd sakinləri iştirak ediblər.

Bakupost.az xəbər verir ki, sakinlərlə görüşdə Abdin Fərzəliyev Abşeron rayonunda həyata keçirilən quruculıuq-abadlıq işlərindən danışıb və bundan sonra görüləcək işlər barəsində ətraflı məlumat verib.

Rayon ərazisində fəaliyyət göstərən məktəb və bağçalarda sıxlığın nüşahidə olunduğunu, bununla əlaqədar olaraq yeni tədris binalarının inşa olunacağını qeyd edən RİH başçısı kənd və qəsəbələrində olan problemlərin öyrənildiyini və onların tez bir zamanda həlli istiqamətində proqramların hazırlandığını vurğulayıb.

Sonra çıxış edən sakinlər əsas avtomobil yollarında surət təmzimləyicilərinin quraşdırılmasında, torpaq sahəsinin ayrılmasında, kanalizasiya xəttinin çəkilməsində, işlə təmin olunmada və digər məsələlərin həllində köməklik göstərilməsini xahiş ediblər.

Qəbullarda sakinlər tərəfindən qaldırılan məsələlər yerindəcə həll olunub, digərlərinin həlli istiqamətində isə müvafiq tapşırıqlar verilib.