ATU publik hüquqi şəxsə çevriləcək

Bakupost.az -ın xəbərinə görə, Nazirlər Kabineti bu barədə qərar verib.

Qərara əsasən, “Azərbaycan Texniki Universitetinin Nizamnaməsi” təsdiq edilib.

Universitetin nizamnamə fondu 29 461 643 (iyirmi doqquz milyon dörd yüz altmış bir min altı yüz qırx üç) manatdır.

Elm və Təhsil Nazirliyi bu qərar qüvvəyə mindiyi tarixdən 3 (üç) gün müddətində Azərbaycan Texniki Universitetinin “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq dövlət qeydiyyatına alınması üçün zəruri tədbirlərin görülməsini təmin etməlidir.