Üzərində Fateh Mehmetin təsviri olan medalyon İngiltərənin paytaxtı Londonda baş tutan hərracda 818 min lirəyə satılıb.
Bakupost.az Türkiyə mediasına istinadən bildirir ki, Fatehin "Bizans imperatoru" olaraq təsvir edildiyi medalyondan dünyada cəmi 4 ədəd var. Medalyon Fatih Sultan Mehmetin ölümündən sonra Neapolda hazırlanıb.
Bürüncdən hazırlanmış medalyon İntibah dövrünün ən gözəl portret medalyonlarından biri hesab olunur.
Onun digər 3 nüsxəsindən biri Nyu Yorkdakı Metropoliten Muzeyində, digərləri Oksforddakı Ashmolean və Londondakı Viktoriya və Albert Muzeylərində nümayiş etdirilir.