Ru
17:40 / 01 Avqust 2022

“Deputat üçün 7455 manat da azdır” - Osman Gündüz

2486
“Peşəkar deputat üçün, peşəkar formada qanun yaradıcılığı və deputat funksiyalarını yerinə yetirənlər üçün 7455 manatın da az olduğu qənaətindəyəm”.


Bakupost.az xəbər verir ki, bunu Azərbaycan İnternet Forumunun rəhbəri Osman Gündüz sosial şəbəkə hesabında yazıb.


O xatırladıb ki, ötən həftə Prezident deputatın statusu haqqında qanuna dəyişikliyi təsdiqləyib: “Sıravi deputat hər ay 7455 manat əmək haqqı alacaq. Bununla da sıravi deputatların, komitə sədri və parlament sədrinin əmək haqları xeyli artmış oldu. Dəyişikliyə görə sıravi deputat üçün aylıq əmək haqqı 2485 manat, hər ay da əmək haqqının iki misli qədər əlavə ödəniş müəyyən olunub.


Yəni, deputatın əmək haqqı hər ay üçün 7455 manat olacaq.


Beləliklə , yeni qanuna görə sıravi deputat sosial ödənişlər və vergilər çıxıldıqdan sonra, hər ayda təxminən 6537 manat əmək haqqı alacaq”.


Osman Gündüz qeyd edib ki, əvvəllər sıravi deputatın aldığı əmək haqqı 4052 manat olub: “Deputatların əmək haqqının artırılmasına yanaşmanın doğru olmadığı haqqında əvvəllər də yazmışdım. Qısa olaraq bir daha qeyd etmək istərdim ki, bu tip yanaşma qüsurludur.


Yəni, peşəkar deputat üçün, peşəkar formada qanun yaradıcılığı və deputat funksiyalarını yerinə yetirənlər üçün 7455 manatın da az olduğu qənaətindəyəm.

Bu tip deputatlar isə olduqca az saydadır.

Əksəriyyət deputatlar isə, bəziləri özləri də etiraf edirlər ki biznesləri var, oliqarx həyat tərzi sürənlər var, milyonlarla vəsaitləri haqqında məlumatlar paylaşılanlar da var, bir çoxları obyektlərindən hər ay yüz minlərlə icarə haqqı toplayırlar.

Düşünürəm ki , bu tip deputatların əmək haqqına da eyni yanaşma sərgiləmək, onlara büdcədən əlavə vəsaitlər sərf etmək doğru deyil və qüsurlu yanaşmadır”.
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Şərhlər
  • Osman bəyə

    Osman bəy başqa pıanetdən gəlib? Bilmir ki, bizim deputat-biznesçilər şəxsi obyektlərindəki işlərindən vaxt ayırıb Milli Məclisin iclaslarına çox vaxt gəlmirlər.Onıar kimlətinsə arzusu və ya rüşvətlə siyahi deputatlardır.İllət boyu MM-də bir dəfə də olsa Milləri düşündürən məsələləri müzakirə açıb qərar qəbul etməyiblər.Onların işi yalnız Ptrzident aparatından gələn layihələrrə "okey"demək olur..Belə halda siyahi deputatların maaşlarının bu yüksək həddə çıxması ay boyu işləyərək 300-500 manat verilən insanlara nisbətdə olduqca yanlışdır.

Son xəbərlər
Çox oxunanlar
Son xəbərlər