Ru
12:43 / 26 May 2022

Deputatdan nazirin çıxışına irad: “Başqa ölkələrdəki maaşlara baxmaq lazımdır”

8409
Xəbər verdiyimiz kimi, Milli Məclisin İqtisadi siyasət, sənaye və sahibkarlıq komitəsinin ötən gün keçirilən iclasında “2021-ci ilin dövlət büdcəsinin icrası haqqında” qanun layihəsinin müzakirəsi olub.

Maliyyə naziri Samir Şərifov çıxışı zamanı bildirib ki, “Bu gün dünya miqyasında qazın qiymətinə baxsaq, görərik ki, bizdə qiymət heç nədir”.

Nazirin bu fikirləri cəmiyyətdə birmənalı qarşılanmayıb, geniş müzakirələrə səbəb olub.


Məsələ ilə bağlı Bakupost.az -a millət vəkili Elman Məmmədov açıqlama verib.


O, bildirib ki, insanların S. Şərifovun fikrinə narazılığı əsassız deyil:



“Azərbaycan qaz idxal edən yox, qaz ixrac edən dövlətdir. İlk növbədə bu şərt nəzərə alınmalıdır.

İkincisi, digər ölkələrlə qiymətlər müqayisə ediləndə həmin ölkələrin maaşları, pensiyaları nəzərə alınmalı, ona uyğun müqayisə aparılmalıdır. Burada Avropa ölkələrində qazın qiymətinin yüksək olması nəzərdə tutulub. Bəli, Avropa ölkələrində qazın, enerji daşıyıcılarının qiyməti çox yüksəkdir. Axı Avropa dövlətləri qaz istehsal etmir...

Biz qaz istehsal edən dövlətlərdə qazın əhaliyə satış qiyməti ilə müqayisə aparmalıyıq.

Məsələn, İran, Ərəbistan yarımadası, Orta Asiya, Türkmənistan, Qazaxıstan kimi ölkələrdə qazın qiyməti və əhalinin maaşı, pensiyasına baxıb bu cür müqayisə edilməlidir. Əgər avropalı 2000-3000 avro pensiya, 5000-6000 avro və daha yüksək maaş alırsa, o yüksək enerjinin, qazın qiymətini ödəyə bilir”.


E. Məmmədov qeyd edib ki, ölkəmizdə qazın və elektrik enerjisinin qiymətinin ödənilməsi çətinlik yaradır:

“Bizdə 300-400 manat pensiya, yaxud 500-600 manat maaş ilə qazın, elektrik enerjisinin və başqa yanacaq növlərinin qiymətinin ödənilməsi çətinlik yaradır. Digər tərəfdən, ərzaq məhsullarının qiyməti dünyada baş verən hadisələrə görə durmadan artır. Ona görə də bunları nəzərə almalıyıq. Hörmətli S. Şərifovun bu fikrinə cəmiyyətdə narazılıq yaranıbsa, bu narazılıq əsassız deyil. Mənim dediyim fikirlər də cəmiyyətdə sadə insanlar arasında müzakirə olunur.

Təbii ki, bütün sahələrdə olan qiymət artımlarının əleyhinəyəm. Dövlət süni bahalaşma yaradanları, vaxtaşırı Tarif Şurasının yersiz hərəkətlərinin, eyni zamanda ticarət obyektlərində, bazarlarda, müxtəlif marketlərdə durmadan qiymət artımlarının qarşısını almaq üçün ciddi tədbirlər görməlidir”.


Fəridə
Baku Post


Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin
Şərhlər
  • Mirəli

    TOXUN ACDAN XƏBƏRİ OLMAZ!şŞƏRİFOVİUN TƏHSİLİƏ, İXTİSASI BU ARAŞDIRMALARI APARMAĞA İMKAN VERMƏDİYİNDƏN ONUN DANIŞIĞI HƏMİŞƏ ƏSASSIZ OLUB.AMMA NƏDƏNSƏ HAKİMİYYƏT SAVADLI MALİYYƏÇİ TAPA BİLMİR VƏ YA MÜXTƏLİF SƏBƏBLƏRDƏN İSTƏMİR.

  • N.Mühəndis

    Bizim qayğılarımız çox, dərd və səbəbləri isə hədsizdir. Digərlərində neft-qazın əsas hissəsi özlərinə aiddir, xam nefti özləri tam və onlarla məhsullara ayırırlar. Qazı ucuz istehsal edib, xaricə çox baha satırlar. Qazın ölkədə ucuz istifadəsinin xaricə baha nəqlindən faydalılıq anlamı belə hələlik hiss edilmir? Təbii ki, sərvət hasilatı tükənənə müqayisənin, milyonlarla ailələrimizin illərlə itirilmiş hüquqları kimi heç bir əhəmiyyəti qalmır?

Son xəbərlər
Çox oxunanlar
Son xəbərlər