“DYP-nin bu cəriməni sistem üzərindən yazması qanunsuzdur” - Ekspert

“Qanuna uyğunsuzluq ondan ibarətdir ki, İnzibati Xətallar Məcəlləsinin maddəsində elektron qərarla rəsmiləşdirilə bilən qayda pozuntuları sırasında sözügedən maddə yoxdur. Deməli, bu maddələr üzrə heç bir halda avtomobili idarə edən şəxslə bilavasitə təmas olmadan, onunla görüşmədən cərimə yazıla bilməz. Hətta yol hərəkəti təhlükəsizliyinə nəzarət kamerasından tam aydın görünsə ki, sürən şəxs hüququ olmayan şəxsdir, yenə də protokolun və ya qərarın yazılması onun iştirakı ilə olmalıdır. Belə bir ünsiyyət olmadan, avtomobili kimin idarə etdiyi dəqiqləşdirilmədən Xətallar Məcəlləsinin 332.2­ci və 332.3-cü maddəsi üzrə cərimə yazıla bilməz. Məntiqsizlik isə odur ki, avtomobili təkcə adı sistemdə onun sahibi kimi keçən adam yox, başqa şəxslər də idarə edə bilər. Məsələn, 90 yaşlı nənənin adına olan avtomobili onun nəvələri də idarə edə bilər və s. Ona görə də sistemdə avtomobilin sahibi kimi görünən şəxsin sürücülük hüququnun olmadığı göründükdə DYP əməkdaşı həmin şəxslə mütləq ünsiyyət qurmalı, kimin sürdüyünü dəqiqləşdirməli, yalnız bundan sonra uyğun addım atmalıdır. Bunun edilməməsi qanun pozuntusudur”.