15:47 / 10 İyun 2024

“Ermənistan Rusiyanın yaralı yerindən yapışıb” - Açıqlama

1429

“Rusiya Ukraynanın bir neçə şəhərində, xüsusilə də Buça şəhərində çox ağır soyqırım siyasəti aparıb”.

Bunu Bakupost.az -a açıqlamasında politoloq Qabil Hüseynli Ermənistan nümayəndə heyətinin Buça şəhərinə səfər etməsinə görə Rusiyanın bu ölkəyə nota verməsini şərh edərkən bildirib.

O, müharibədən sonra Rusiyanın beynəlxalq məhkəməyə veriləcəyini deyib:

“İnsanları uzun müddət ac-susuz saxlamaqla ölümə məhkum ediblər. Buça soyqırımı öz miqyasına, qurbanlarının sayının görə Xolokost və Xocalı qədər dəhşətlidir. Dünyanın soyqırımına dair materiallar yığan təşkilatları bunu təsdiqləyib. Bu soyqırımının bütün məqamları incələnib, lazım olan faktlar sübut kimi götürülüb. Müharibə bitdikdən sonra təkcə bu şəhərə görə Rusiyaya qarşı soyqırımı məhkəməsi təşkil ediləcək”.

Politoloq Ermənistan nümayəndə heyətinin Buça şəhərinə səfər etməklə Rusiyanın qəzəbinə tuş gəldiyini bildirib:

“Ermənistan Rusiyanın yaralı yerindən yapışıb. Əgər ermənilər ora gedirsə, deməli, soyqırımı hadisəsini daha bir dövlət tanımış olacaq. Ukraynanın ağır dərdinə daha bir dövlət şərik olur. Rusiyanı qıcıqlandıran da budur”.

Vasif

BakuPost

Şərhlər

Seçilmiş Zəngimcell