"Facebook" istifadəçilərinin sayı 2 milyardı ötdü

Bakupost.az bildirir ki, sosial şəbəkədən gündəlik istifadə edənlərin sayının dekabr ayında orta hesabla 2 milyarda, yəni dünya əhalisinin təxminən dörddə birinə çatdığı açıqlanıb.

Qeyd edək ki, Instagram və WhatsApp-ın da sahibi olan Meta, keçən il işçilərinin təxminən 13 faizini işdən çıxarmışdı.

Dekabr ayına qədərki üç ay ərzində şirkət gəlirinin illik müqayisədə 4 faiz azalaraq 32,2 milyard dollar olduğunu bildirib.

Mark Zukerberq, şirkətin xüsusilə gənc istifadəçilər arasında populyar olan TikTok kimi rəqiblərlə qarşılaşarkən diqqət yetirdiyi video məhsulu Reels ilə irəliləyiş əldə etdiyini deyib.