"Mədəni İnkişafın Təbliği" İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə "Ucqar bölgələrdə gender əsaslı fəaliyyətin stimullaşdırılması” mövzusunda layihənin icrasına başlayıb. Layihənin icrası ilə bağlı peşəkar işçi heyəti seçilib, tədbirlər planı hazırlanıb.
Bakupost.az xəbər verir ki, layihənin əsas məqsədi regionlarımızda kök salmış stereotipləri aradan qaldırmaq və gender bərabərliyi çərçivəsində qadınlara dəstək olmaqdır. Bu tədbirlərdə iştirak edən insanlar arasında, bu istiqamətdə ictimai şüurda strateji əhəmiyyətlilik artacaqdır.
Layihə müddətində sosial çarx çəkiləcək, ucqar bölgələrdən biri olan Yardımlı rayonunda gender əsaslı tədbirlər keçiriləcək.
Layihə iyunun 1-dən iyulun 31-dək icra olunacaq.