Azərbaycanda investisiyalar artır, bəs qeyri-neft sektoru niyə geri qalır?

Mövzu ilə bağlı iqtisadçı Natiq Cəfərli “Bakupost”a bildirib ki, Azərbaycanda son dövrlərdə enerji sektoruna investisiyaların artması müşahidə olunur.

Onun sözlərinə görə, enerji sektoru uzun müddətdir Azərbaycanda əsas prioritet istiqamətlərdən biri olaraq qalır. Hazırda bu sahədə müxtəlif yeni layihələrin həyata keçirilməsi investisiyaların artmasına təsir göstərir.

“Azərbaycanda son zamanlar enerji sahəsinə investisiyalar artıb. Həmişə də belə olub, yəni enerji sahəsi həmişə prioritet olub. İndi enerji sahəsi ilə bağlı yeni layihələr həyata keçirilir. İstər neft, istər qaz, istər yaşıl enerji və s. Bu sahədə investisiyaların artması təbiidir”, – deyə N.Cəfərli qeyd edib.

“Amma problem odur ki, qeyri-neft sektorunda investisiyalar istədiyimiz şərtlərlə, istədiyimiz şəraitdə artmır, yəni gözləntilərə cavab vermir”, – iqtisadçı vurğulayıb.

“Buna görə də qeyri-neft sektorunun inkişafı üçün müəyyən addımların atılmasına ehtiyac var”, – deyə iqtisadçı əlavə edib.