Ru
14:21 / 21 Oktyabr 2022

Prezidentdən İtaliya–Azərbaycan Universiteti layihəsi ilə bağlı SƏRƏNCAM

6645
Prezident İlham Əliyev İtaliya–Azərbaycan Universiteti layihəsinin həyata keçirilməsi haqqında Sərəncam imzalayıb.

Bakupost.az xəbər verir ki, Sərəncamda deyilir:

“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, ADA Universiteti ilə İtaliyanın beş aparıcı ali təhsil müəssisəsi – Luiss Guido Carli Universiteti, Romanın Sapienza Universiteti, Turin Politexnik Universiteti, Alma Mater Bolonya Universiteti, Milan Politexnik Universiteti arasında İtaliya–Azərbaycan Universiteti üzrə akademik əməkdaşlığa dair imzalanmış sazişləri nəzərə alaraq, Azərbaycan Respublikasında ali təhsil sisteminin təkmilləşdirilməsi və İtaliyanın tanınmış universitetləri ilə əlaqələrin genişləndirilməsi, eləcə də Azərbaycan Respublikası vətəndaşlarına xaricə getmədən Azərbaycan Respublikasının ərazisində aparıcı ölkələrin ali təhsil standartları çərçivəsində keyfiyyətli təhsil almaq imkanının yaradılması məqsədilə qərara alıram:

1. İtaliya-Azərbaycan Universiteti layihəsini həyata keçirən ADA Universitetinə Azərbaycan Respublikasının Dövlət İmtahan Mərkəzinin keçirdiyi qəbul imtahanlarının nəticələri əsasında tələbə seçimini müstəqil aparmaq hüququ verilsin.

2. Müəyyən edilsin ki, ADA Universiteti İtaliya-Azərbaycan Universiteti çərçivəsində tətbiq etdiyi təhsil proqramlarını İtaliya Respublikasının ali təhsil müəssisələrinin akademik standartlarına uyğun qurmaq və idarə etmək hüququna malikdir.

3. Azərbaycan Respublikasının Nazirlər Kabineti:

3.1. İtaliya-Azərbaycan Universiteti layihəsinə cəlb olunması ilə əlaqədar ADA Universitetinin maddi-texniki bazasının möhkəmləndirilməsi və əməliyyat xərclərinin maliyyələşdirilməsi məsələlərini həll etsin;

3.2. İtaliya-Azərbaycan Universiteti layihəsi çərçivəsində kadr hazırlığı aparılan ixtisasları və təhsil alan tələbələrin sayını hər il müəyyən etsin;

3.3. bu Sərəncamdan irəli gələn digər məsələləri həll etsin”.
Şərhlər
  • t.ədalət

    İtaliya tarixən türkün genetik düşməni olan bir ölkədir.Təsadüfi deyil ki,məşhur kürd terrorçusu Abdulla öcalan da son məqamında İtaliyaya sığınmışdı.Şah İsmayıl Xətai ilə Türkiyə arasındakı münaqişəni də İtaliya yaratmışdı.Onba görə də Azərbaycan Türk dövlətləri sisteminin bir parçası olduğu üçün İtaliya ilə hər-hansı dostluq əlaqəsinə girməməlidir.Bu xeyrimizə olmayacaq!

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər