“Qadınlar üçün evdən işləməklə bağlı qanun qəbul edilməlidir" - Partiya sədri

"Əlbəttə, Azərbaycanda əhalinin artımını stimullaşdırmaq, qadınların həyat şəraitini yaxşılaşdırmaq istəyiriksə, istər hamiləlik, istərsə də körpələrə baxmaq dövründə qadınlara güzəştlər verilməlidir. Uşaq bağçalarında qiymət kifayət qədər bahadır və bütövlükdə Azərbaycanı əhatə etmir. Ona görə də körpə uşağı olan qadın ya övladına baxmalıdır, ya da ki, işdən məhrum olmalıdır. Hətta evdə iş təşkili ilə bağlı qanun qəbul edilməlidir. Məsələn, elə iş var ki, qadın onu evdən işləyə bilər. Yəni müxtəlif güzəştlər düşünmək olar ki, qadın həm işləsin, həm də öz uşağını normal şəkildə tərbiyə edə bilsin”.