Ru
11:25 / 25 Aprel 2024

Qəzzada uşaqlar öldürülür - Evlərə basqın

1967
İordan çayının qərb sahilinin Ramallah şəhərində İsrailin açdığı atəş nəticəsində bir fələstinli uşaq ölüb.

Bakupost.az xəbər verir ki, İsrail ordusu İordan çayının qərb sahilinin Ramallah və Əl-Birə şəhərlərində fələstinlilərin evlərinə basqın edib.

Fələstin vətəndaşları basqınlara reaksiya verdikdə, İsrail əsgərləri güllələrdən istifadə edərək müdaxilə edib.

Fələstin Səhiyyə Nazirliyindən verilən yazılı açıqlamada İsrail əsgərlərinin Ramallahda 16 yaşlı Xalid Raid Süleyman adlı fələstinli oğlanı sinəsindən vurduğu və uşağın öldüyü bildirilib.

Şahidlər bildiriblər ki, İsrail əsgərləri Hebron şəhərində gənc fələstinli qıza atəş açıb.

Qeyd edək ki, 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə fələstinlilərə qarşı həbslər, basqınlar və hücumlar artıb. İsrail əsgərləri və qeyri-qanuni yəhudi məskunlaşanların hücumları nəticəsində 489 fələstinli həyatını itirib.


Elnur
BakuPost
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin







Son xəbərlər
Çox oxunanlar
Son xəbərlər