Ru
16:05 / 29 Noyabr 2024

"Telefon dələduzluğu" yalanı nazirin sonunu gətirdi

"Telefon dələduzluğu" yalanı nazirin sonunu gətirdi
Eye

Böyük Britaniyanın nəqliyyat naziri Luiz Hey istefa verib.


Bakupost.az -ın məlumatına görə, o, istefa ərizəsini Baş nazir Keir Starmerə təqdim etdiyini bildirib.

Qeyd edək ki, ötən gün Britaniya mətbuatında nazir haqqında qalmaqallı xəbərlər paylaşılıb. Belə ki, 2013-cü ildə o zaman "Aviva" sığorta şirkətində işləyən Luiz Hey polisə ərizə yazaraq küçədə şəxsi əşyaları və iş telefonu olan çantanın oğurlandığını bildirib. Bundan sonra şirkət ona yeni telefon hədiyyə edib. Lakin bir müddət sonra Heyin telefonu onun evindən tapılıb.

2014-cü ildə polis onu dələduzluğa cəhddə ittiham edib. Luiz Hey məhkəmədə günahını etiraf edib, buna görə də məhkəmə onu bir neçə aylıq şərti cəzaya məhkum edib.

İşin təfərrüatları Böyük Britaniyada geniş rezonansa səbəb olub və elə ertəsi gün xanım nazir istefa ərizəsini təqdim edib. Baş nazir istefanı qəbul edib və nazir kimi gördüyü işlərə görə Heyə təşəkkür edib.

Şərhlər
Captcha
Telegram
Bizi telegram-da izləyin
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar