“Volvo”-dan “XC40” həvəskarlarına müjdə!

“İsveçin “Volvo Cars” şirkəti yayın sonuna kimi qeyd olunan modelin piar kampaniyası üçün ayrılan vəsaiti sırf avtomobillərin qiymətinə yönləndirməklə, müştərilərə böyük endirim təklif edir. Onu da vurğulamaq istərdim ki, bu kampaniya Azərbaycanda ilk olaraq, “S60” modelində tətbiq olunmuş və kifayət qədər uğurlu satış rəqəmlərində öz əksini tapmışdır. Daha bir əlverişli məqam ondan ibarətdir ki, qeyd olunan kampaniya, həm faizsiz daxili kredit, həm də “trade-in” şərtləri ilə avtomobil əldə etmək istəyənlər üçün keçərlidir.” – deyə şirkətin Azərbaycan üzrə marketinq rəhbəri Qabil Quliyev bildirib.

Qeyd edək ki, son dərəcə təhlükəsiz və ekoloji təmiz avtomobillər istehsal edən İsveçin “Volvo Cars” şirkətinin Azərbaycanda yeganə rəsmi nümayəndəsi “Scandinavian Auto” QSC-dir.