Ru
11:50 / 28 Mart 2022

“Yaxın günlərdə Ağdərədən də xoş xəbərlər gələcək” - Ordumuz irəliləyir

50206
“Ermənilər yaxın həftələrdə daha böyük şok yaşayacaqlar”.


Bunu Bakupost.az -a hərbi ekspert Üzeyir Cəfərov Xocalının Fərrux kəndinin Azərbaycan Ordusunun nəzarətinə keçməsi ilə bağlı danışarkən deyib.


Onun sözlərinə görə, Ordumuz yaxın günlərdə başqa yaşayış məntəqələrinin də Azərbaycanın nəzarətinə qayıtdığını elan edəcək:




“Ordumuzun hədəfi Azərbaycanın ərazi bütövlüyünün təmin olunmasını həyata keçirməkdir. Fərrux kəndinin azad olunması ilə ordumuz qarşıya qoyulan tapşırığı müvəffəqiyyətlə yerinə yetirib və bu qələbənin davamı gəlir. Bu dəqiqələrdə Azərbaycan Müdafiə Nazirliyi, o cümlədən digər əlaqədar strukturlar lazım olan işi görürlər. Azərbaycan Ordusu yaxın günlərdə başqa yaşayış məntəqələrinin də dövlətimizin nəzarətinə qayıtmasını elan edəcək. Dünən rus sülhməramlılar kobudluq edərək, guya Azərbaycana şərt qoyurlar ki, siz buradan çəkilməlisiniz. Amma Azərbaycan Müdafiə Nazirliyi heç bir halda buna imkan vermədi”.


Ü.Cəfərov bildirib ki, Fərrux qələbəsinin davamı gələcək:


“Birinci Qarabağ savaşında Milli Qəhrəman Şirin Mirzəyevin rəhbərliyi altında oğullarımız Fərrux uğrunda döyüşlərdə çox böyük qəhrəmanlıq göstəriblər. Ona görə də Fərrux qələbəsinin davamı gələcək, buna heç kimin şübhəsi olmasın. Asta-asta Azərbaycan Ordusu öz hədəfinə çatmaq üzrədir. Xocalı da qayıdacaq, yaxın vaxtlarda Ağdərə ilə bağlı da xoş xəbərlərimiz olacaq, hər şey Xankəndi ilə bitməlidir. Necə ki 44 günlük Vətən savaşında hədəfimiz Şuşa idisə, burada da hədəfimiz Xankəndidir ki, o da yaxın həftələrdə olacaq”.


“Qarabağ qaziləri” İctimai Birliyinin mətbuat xidmətinin rəhbəri Rey Kərimoğlu da məsələyə münasibət bildirib.


O bildirib ki, Fərrux kəndinə bayrağımız tam itkisiz şəkildə sancılıb:





“Əslində, bu gözlənilən idi. Bir şəhid vermədən Qarabağın ən strateji yüksəkliklərindən biri olan Fərrux kəndi Azərbaycan Ordusunun nəzarətinə keçib. 2020-ci il sentyabrın 27-də Azərbaycanın ordu maşını hərəkətə başlayıb və bu davam edir. Səbirli olmaq və yanlış informasiyalardan çəkinmək lazımdır. Biz tezliklə Xocalıda, Xankəndində də olacağıq. Düşünürəm ki, bu məsələlər həll olunandan sonra sülhməramlı xidmətinə ehtiyac olmayacaq. Dünyanın ən gözəl sülhməramlı qüvvəsi Azərbaycan Ordusudur. Azərbaycan Ordusu yaxın zamanlarda bütün işləri nizamlayacaq”.




Fəridə
Baku Post
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin
Şərhlər
Son xəbərlər
Çox oxunanlar
Son xəbərlər