“Bitcoin” – bir dövrün sonumu? – Kriptovalyuta kritik həddə doğru enir

Bakupost.az xəbər verir ki, rəqəmsal aktiv bu gün səhər 3,9%-dək ucuzlaşaraq 97 956 dollara qədər düşüb. Bununla da oktyabrın əvvəlindən bəri kriptovalyuta bazardan 450 milyard dollardan çox itki yaşanıb.

Qlobal bazarlardakı zəifliyin əsas səbəbi kimi ilin əvvəlində qiymət artımını dəstəkləyən əsas oyunçuların – böyük investisiya fondlarının, kriptovalyuta alıcıların geri çəkilməsi göstərilir. Başqa bir məqam isə şirkət balanslarında kripto aktivlərinin artırılmasının dayandırılması ilə əlaqələndirilir. Bu isə kripto bazarında yeni bir həssaslıq dövrünün başladığını göstərir.

“10x Research” analitikləri zəifləmiş fondlar, investorların davam edən uzunmüddətli satışları və fərdi investorların aşağı tələbi səbəbilə kripto bazarının eniş trendinə girdiyini bildirirlər. Qurumun qiymətləndirməsinə görə, “Bitcoin”də növbəti kritik səviyyə 93 min dollardır.