Dələduzluq edən "DTX generalına" elektron qolbaq taxıldı
- 09 Noy 2019 13:18
- 1184 Baxış
Hacıqabulda özlərini Dövlət Təhlükəsizliyi Xidmətinin əməkdaşları kimi təqdim edən, vətəndaşlara qarşı dələduzluqda təqsirləndirilən Ədalət Zalışov və Ramid Şirinovun cinayət işi üzrə məhkəmə başa çatıb.
BakuPost.az-ın məlumatına görə, Hacıqabul rayon Məhkəməsində keçirilən prosesdə hökm oxunub.
Hökmə əsasən hər iki şəxs 1 il 6 müddətinə azadlığın məhdudlaşdırılması cəzasına məhkum edilib və onlara elektron qolbaq taxılıb.
Qeyd edək ki, Ə. Zalışov və R. Şirinov əlbir olaraq 2 nəfərin etibarından sui-istifadə edərək 17 min manat zərər vurublar.
Belə ki, Ə. Zalışov özünün DTX-nın sıravi əməkdaşı, R. Şirinovun isə Əks-Kəşfiyyat idarəsinin rəisi və general olduğunu deyib.
Hər iki şəxsə Cinayət Məcəlləsinin 178-ci (dələduzluq) maddəsi ilə ittiham verilib.