Ərdoğan Trampa başsağlığı verdi

Bakupost.az xəbər verir ki, bu barədə Türkiyə Prezidenti Administrasiyasının İctimaiyyətlə Əlaqələr Departamenti məlumat yayıb.

Ərdoğan danışıq zamanı regiondakı münaqişə prosesində atəşkəsin uzadılması qərarını müsbət bir addım kimi qiymətləndirdiyini bildirib. O, ixtilaflı məsələlərdə məntiqli həll yolunun tapılmasının mümkünlüyünə inandığını və ortaya qoyulan konstruktiv təşəbbüslərə Türkiyənin dəstəyinin davam edəcəyini vurğulayıb.

"Türkiyə dövlət başçısı Suriyada sabitlik mühitinin möhkəmlənməsinin bütün region üçün mühüm bir qazanc olduğunu qeyd edərək, Ankara tərəfindən bu ölkəyə verilən dəstəyin fasiləsiz davam edəcəyini diqqətə çatdırıb. Ərdoğan, həmçinin Livandakı vəziyyətin daha da pisləşməsinin qarşısının alınmasının vacibliyini ifadə edib" , - deyə məlumatda vurğulanır.

Ərdoğan ABŞ-nin San-Dieqo şəhərindəki məscidə təşkil edilən hücumla bağlı Trampa başsağlığı verib. O, Türkiyənin hansı dini qrupa qarşı törədilməsindən asılı olmayaraq, bu növ nifrət cinayətlərinin qətiyyətlə əleyhinə olduğunu vurğulayıb.