Ərdoğandan lirə ilə bağlı AÇIQLAMA

Bakupost.az xəbər verir ki, bunu Türkiyə Prezidenti Rəcəb Tayyib Ərdoğan Türkiyə hökumətinin bu gün keçirilmiş növbəti iclasından sonra keçirdiyi brifinqdə deyib.

Çıxışında Türkiyənin sosial tədbirlərinə, sənaye və istehsaldakı gücünün yüksəlişi üçün həyata keçirilən layihələrə, eləcə də milli valyuta türk lirəsinin məzənnəsi ilə bağlı son vəziyyət barədə fikir və düşüncələrini bölüşən dövlət başçısı deyib:

“Ölkəmizi bu iqtisadi qurtuluş savaşından da zəfərlə çıxaracağıq”.

Zəlzələ və digər təbii fəlakətlərdə evləri dağılmış vətəndaşlar üçün inşa edilən mənzillər barədə ətraflı məlumat verən, eləcə də İzmir zəlzələsində (29 oktyabr 2020) zərər çəkən vətəndaşlar üçün tikilən ev və dükanların noyabrın 26-da sahiblərinə paylanacağını xatırladan Prezident Rəcəb Tayyib Ərdoğan bildirib ki, Türkiyə ölkə əhalisinin rifahının yaxşılaşdırılması, məşğulluğun qorunması və genişlənməsi üçün əsaslı strategiyanı bundan sonra da uğurla davam etdirəcək.