“Mən dövlət katibi olanda Ramiz Mehdiyev…” – Lalə Şövkət

Şübhəsiz, hadisə ölkədə rezonans doğurub, son bir həftədir gündəmin əsas mövzusuna çevirilib. Siyasətçilər, bəzi keçmiş məmurlar R.Mehdiyev olayına münasibət bildirir, hadisəni şərh edirlər.

Bakupost.az xəbər verir ki, “Yeni Sabah” məsələyə Azərbaycanın sabiq dövlət katibi, Liberal Partiyasının keçmiş lideri Lalə Şövkətin münasibətini öyrənib.

O bildirib ki, R.Mehdiyevlə şəxsi tanışlığı olmayıb:

“Mən 1994-cü ilin yanvarında dövlət katibi vəzifəsindən istefa vermişəm, Ramiz Mehdiyev isə Prezident Administrasiyasının rəhbəri vəzifəsinə 1995-ci ildə təyin edilib. Ona görə də şəxsi tanışlığımız olmayıb”.

L.Şövkətin fikrincə, Prezident Administrasiyasının keçmiş rəhbəri ilə bağlı yayılan məlumatların doğruluğu hələlik tam təsdiqlənməyib:

“Bu məsələ ilə bağlı fikir bildirmək hələ tezdir. Mən həmişə siyasi intriqalardan uzaq olmuşam və hadisələrə yalnız obyektiv yanaşmağı üstün tutmuşam. Əgər irəli sürülən ittihamlar təsdiqini tapsa, bu, çox ciddi məsələ olacaq və diqqətlə araşdırılmalıdır”.

Qeyd edək ki, 73 yaşlı Lalə Şövkət 1993-cü il iyulun 7-dən 1994-cü il yanvarın 29-dək Azərbaycanın dövlət katibi vəzifəsində çalışıb.