Bugünkü görüşdə ikitərəfli münasibətlərlə yanaşı, enerji, nəqliyyat, ticarət, müdafiə və mədəniyyət kimi sahələrdə əməkdaşlığımızı daha da inkişaf etdirmək öhdəliyimizi növbıti dəfə təsdiqlədik.
Bakupost.az xəbər verir ki, bu sözləri Türkiyə Prezidenti Rəcəb Tayyib Ərdoğan Macarıstan Baş naziri Viktor Orbanla İstanbulda keçirdiyi görüş ilə bağlı mətbuat konfransında danışarkən deyib.
Ərdoğan qeyd edib ki, iki ölkə arasında aviasiya və təhlükəsizlik də daxil olmaqla bir sıra sahələrdə münasibətləri gücləndirəcək müxtəlif sənədlər imzalanıb:
"Siyasi münasibətlərimizdə əldə etdiyimiz müstəsna səviyyənin iqtisadi təsirini də görürük. Cənab Orbanla müəyyən etdiyimiz 6 milyard dollarlıq ticarət həcmi hədəfimizə çatmağa yaxınıq. Aramızdakı güclü ticarət potensialını nəzərə alaraq, həcm hədəfimizi 10 milyard dollara çatdırmağı müzakirə etdik".