Polkovnik Qurbanov istintaqa kimlərin adını açıqlayacaq? - MN-də növbəti həbslər gözlənilir

Bu sözləri Bakupost.az -a hərbi ekspert Üzeyir Cəfərov ötən gün Müdafiə Nazirliyində həbs olunanlarla bağlı danışarkən deyib.

“Hər gün araşdırmalar gedir, yeni faktlar ortaya çıxır. Onlar kimlərinsə tapşırığını yerinə yetiriblər. Yəni bunlar birinci şəxslər deyil. Onlara göstəriş verən adamlar var, onlar isə sadəcə tapşırıqları yerinə yetiriblər. İstintaqda həbs olunanlar dindirilən zaman bir çox məsələlərə aydınlıq gətiriləcək. Əslində, istintaqın müddəti 1 il 9 aydır. Müddət tamam olmamış 6-cı adam həbs olunursa, bu rəqəm artacaq”.

“Müdəfiə Nazirliyi özbaşına deyil, onu da yoxlayan qurumlar var. Bu qurumlardan Hesablama Palatası və digər qurumlar var ki, onlar məsələyə aydınlıq gətirməlidirlər. Həbs olunan Müdafiə Nazirliyinin Satınalmalar və Təchizat İdarəsinin rəisi, polkovnik Qurbanov Məlikməmməd istintaqa ifadə verəndə nəyə görə bu addımı atdığı məsələsinə aydınlıq gətirəcək. Polkovnik Məlikməmməd Qurbanov komissiyanın sədri olmasına baxmayaraq qərar qəbul edən şəxs olmayıb. Qərarı qəbul edən konkret şəxslər olub. Polkovnik Qurbanov istintaqda həmin şəxslərin adlarını deyəcək və məsələyə aydınlıq gətirəcək”.