Ramazanda şiddətli baş ağrılarından qorunmaq üçün TÖVSİYƏLƏR

Bakupost.az Ölkə.az-a istinadən xəbər verir ki, miqren həyat keyfiyyətinə birbaşa təsir edən nevroloji xəstəlikdir.

Yemək vaxtlarında dəyişikliklər, kofein istehlakının qəfil azalması və Ramazan ayında kifayət qədər su qəbul edilməməsi tutmalara səbəb ola bilər. Buna görə də, miqren xəstələrinin oruc müddətini düzgün şəkildə idarə etmələri vacibdir. Düzgün planlaşdırma və balanslı qidalanma bu dövrü daha rahat edə bilər.

Odur ki, Ramazanda miqrenlə mübarizə üçün 5 qoruyucu məsləhəti təqdim edirik:

Ramazan ayında yuxu dəyişiklikləri və fasilələr miqren həddini aşağı sala bilər. Yuxu müddətinin kifayət qədər saxlanılması miqrenlə mübarizədə mühüm rol oynayır. İftar və sahur arasında orta hesabla altı saat fasiləsiz yuxu olduqca dəyərlidir. Bundan əlavə, sahurdan sonra 30-60 dəqiqəlik qısa bir yuxu da tutma riskini azalda bilər.

İmsak miqren xəstələri üçün çox vacibdir. Bu zamanı bəsit karbohidratlardan çəkinmək lazımdır. Karbohidratla zəngin qidalanma insulin səviyyəsini sürətlə artırır və aclığın daha tez qayıtmasına səbəb olur.

Ramazan ayında su istehlakının azaldılması bədəndə maye itkisinə səbəb olur. Susuzlaşma miqreni tətikləyən ən vacib amillərdən biridir. Gün ərzində susuzlaşmanın qarşısını almaq üçün iftar və imsak arasında balanslı şəkildə su qəbul etmək tövsiyə olunur. Digər tərəfdən, müntəzəm olaraq qəhvə içən insanlarda kofeinin qəfil kəsilməsi baş ağrılarını artıra bilər. Buna görə də, Ramazandan əvvəl kofein istehlakını tədricən azaltmaq daha sağlam bir keçid təmin edir.

Yumurta, qatıq, tam taxıllı və qoz kimi qidalar uzunmüddətli toxluq hissi təmin etməklə miqren tutmaları riskini azaltmağa kömək edə bilər.

Miqren nəzarət altında olan bir xəstəlikdir. Hər bir miqren xəstəsinin fərqli səbəbləri var. Ramazan ayında fərdlərin öz səbəblərini bilməsi və buna uyğun olaraq tədbirlər görməsi vacibdir.