Regiondakı məsələlərlə bağlı çağırış edirəm ki, raketləri yerə qoyub, qələmlərlə, diplomat dili ilə danışılsın.
Bakupost.az xəbər verir ki, bunu Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə bu gün Təzəpir məscidində Ramazan bayramının başa çatması ilə əlaqədar qılınan bayram namazından sonra jurnalistlərə açıqlamasında deyib.
O bildirib ki, tərəflər bir-birləri ilə danışıb razılaşsınlar.
"Bu prosesdə xalq əziyyət çəkir. Gec-tez razılığa gələcəklər. Amma o arada çox insanın qanı töküləcək. Nə qədər tez danışığa gəlsələr, o qədər yaxşı olar. Ona görə, çağırışım odur ki, tezliklə razılığa gəlsinlər".
O həmçinin torpaqlarımızın azadlığı naminə canından keçən şəhidlərimizə Allahdan rəhmət diləyib:
"Allah bir daha xalqımıza müharibə göstərməsin".