Şirniyyatların “qurbanı” oldunuz? - Bayramdan sonra arıqlamağın 7 yolu

Bakupost.az YeniSabah-a istinadən xəbər verir k, bu günlərdə çəki almaq demək olar ki, qaçılmaz olur. Amma narahat olmağa dəyməz. Düzgün yanaşma ilə bu çəkilərdən qurtulmaq mümkündür. Əsas məsələ özünüzü ac saxlamaq deyil, balansı bərpa etməkdir.

Bayramdan sonra ən böyük səhvlərdən biri qəfil sərt pəhrizə başlamaqdır. Bu, həm maddələr mübadiləsini zəiflədir, həm də daha tez yorulmağa səbəb olur. Bunun əvəzinə, gündəlik qidalanmanızı tədricən normaya salın. Yəni, az-az amma balanslı qidalanın.

Bayramda əsas çəki artımının səbəbi şirniyyatlar və xəmir yeməkləridir. Sonrakı günlərdə şəkər qəbulunu minimuma endirmək bədənin bərpasına kömək edir. Şirniyyat yerinə meyvə, quru meyvə və ya tünd şokolad seçə bilərsiniz.

Sadə, amma çox təsirli üsuldur. Gün ərzində kifayət qədər su içmək həm ödemi azaldır, həm də maddələr mübadiləsini sürətləndirir. Bəzən aclıq kimi hiss etdiyimiz şey əslində susuzluq olur.

İdman zalına getmək şərt deyil. Gündəlik 30-40 dəqiqə sürətli yürüş belə kifayət edir. Lift əvəzinə pilləkənlərdən istifadə etmək, qısa məsafələrə piyada getmək də kömək edəcək.

Axşam saatlarında ağır yeməklərdən uzaq durun. Salatlar, şorba və ya zülal ağırlıqlı (məsələn, toyuq, balıq) yüngül yeməklər seçmək daha məqsədəuyğundur.

Bayram günlərində gec yatmaq və qeyri-nizamlı həyat tərzi hormon balansını pozur. Bu da iştahanı artırır. Normal yuxu rejiminə qayıtmaq arıqlama prosesini sürətləndirir.

Ən vacib məqam budur: bayramda aldığınız çəkini bir günə yox, bir neçə günə və ya həftəyə almısınız. Deməli, onu sağlam şəkildə atmaq da zaman tələb edir. Tələsmədən, davamlı şəkildə irəliləmək ən doğru yoldur.